රාවණ අහසින් ගොස් සතුරන්ට බෝම්බ දමයි

වර්ගපූර්ණිකාව බ්ලොග් අඩවිය කියවූ සමහරුන් මෙය ජෝක් සයිට් එකක් බව කියා තිබුණි., තවත් අය මේ බ්ලොග් එක ඉතිහාසය විකෘති කරනවා යැයි කියමින් අපට පරිභව කර මෙය රිපෝට් කිරීමටත් කතා කර තිබුණි.

නමුත් ඒ සියල්ලන්ගේම කන් වලට හොඳවයින් අතුල් පහරක් ගසන ලිපියක් මා හට හමු විය. අරිසෙන් අහුබුදුවන්ගේ මගෙහි යමින් පද නිරුක්ති වලින් ඉතිහාසය මතු කිරීමෙන් නොනැවතී, ආචාර්ය සූරිය ගුණසේකරයන්ට නොදෙවෙනි ලෙස රාවණ රජතුමාගේ යුධ අවි වල තාක්ෂණය හෙළි කර ඇති එතුමා, සුප්‍රසිද්ධ හෙළ යකෙක් වන ආචාර්ය මි‍රැන්ඩෝ ඔබේසේකර මහතායි. ඔබට කියවීමට පහසු වීම සඳහා අකුරු ලොකු කර පහත කොටස් වශයෙන් දැක්වෙන්නේ මව්බිම පුවත්පතේ පළවූ එතුමාගේ එම ලිපියයි. (සම්පූර්ණ ලිපිය මෙහි අගින් දමා ඇත.)

එසේම හෙළයින්ගෙන් සොරාගත් පුස්කොළපොතක් වන වෛමානිකශාස්ත්‍රයට අනුව දඬුමොණර තාක්ෂණයෙන් නිපදවා ඇතත් දඬුමොණරය මෙන් දියුණු නැති වර්තමාණයේ ඇති ප්‍රහාරක ගුවන්යානා වල පින්තූරත් සුදුසු පරිදි අමතරව ඇතුළත් කළෙමි.

රාවණ රජතුමාගේ දඬුමොණර තාක්ෂණයෙන් නිපදවා ඇති F 35 ප්‍රහාරක ජෙට් යානය. (මෙය පුෂ්පක දඬුමොණරය තරම් බලවත් නැති බව සලකන්න)

පර සුද්දන් විසින් හෙළයින්ගෙන් සොරා ගන්නා ලද පුස්කොළපොත් වල තිබූ වට්ටෝරුවේ තිබූ අග්නිසර තාක්ෂණය අනුව හුණුගල් යොදා ගනිමින් සාදල ලද ආරක්ෂක වෙඩි තාමත් භාවිතා වෙයි. ඒත් රාවණා සමයේ තිබූ තාක්ෂණය තරම් මෙය දියුණු නැත.

පර සුද්දන් විසින් හෙළයින්ගෙන් සොරා ගන්නා ලද පුස්කොළපොත් වල තිබූ වට්ටෝරුවට අනුව කෘතිම නාග විශ නිපදවා ඒවා මෙම AGM-114 Hellfire නැමැති ප්‍රහාරක ජෙට් ආයුධයට ඇතුළත් කර ඇති බව ඔබ දන්නවාද?

ඉහත දැක්වෙන F-117 Nighthawk න්‍යෂ්ඨික බෝබ්ම දමන ගුවන් යානයත්, පර සුද්දන් විසින් හෙළයින්ගෙන් සොරාගන්නා ලද වෛමානිකශ්‍රස්ත්‍ර නැමැති පුස්කොළපොතට අනුව සාදා ඇතත් එය ඉන්ද්‍රජිත්ගේ සහස්‍රගත නැමති යබර බෝම්බ දාන දඬුමොණර යානය තරම් ප්‍රබල නොවේ.

මායා වරුන්ව ශිෂ්ටාචාර කිරීමට පැමිණි මෙම ප්‍රිඩේටර් වරුනුත්, රාවණ පුත් ඉන්ද්‍රජිත් කුමරාට ඉමහත් භීතියක් දක්වා ඇත. වරක් ඉන්ද්‍රජිත් කුමරා ප්‍රිඩේටර් ලොව රජතුමා සමග කරන ලද සටනකදී ගසන ලද පා පහරකින් ප්‍රිඩේටර් රජතුමාගේ උඩ ඇන්දේ දත් ටික හැලුණි. ඉන් පසුව ඉන්ද්‍රජිත් තම අත් දෙක ප්‍රිඩේටර් රජුගේ කට ඇතුලට දමා දෙපසට ඇද්ද අතර ඔහුගේ කට පළල් විය. එදා සිට එම ප්‍රිඩේටර් රජුගෙන් පැවතෙන ප්‍රිඩේටර් වරුන්ගේ කටේ දත් හැලී ලොකුවට පළල් ව පැවතුණි. එම රජුගේ පෙලපතේ කුමාරවරු පිරිසක් පසු කාලයේදී මායා වරුන්ව ශිෂ්ටාචාර කර ඇත. ලන්ඩන් කෞතුකාගාරයේ ඇති හෙළයින්ගේ පුස්කොලපොත් කියවූ ජිම් සහ ජෝන් දෙදෙනා එය චිත්‍රපටයටද නැගුවෝය.

මි‍රැන්ඩෝ ඔබේසේකර මහතාගේ සම්පූර්ණ ලිපිය

මෙවන් තොරතුරු ප්‍රමාණයක් හෙළි කළ මි‍රැන්ඩෝ ඔබේසේකරයන්ගේ උත්සාහයට අපි ප්‍රශංශා කරමු. නමුදු එතුමාගේ ලිපියෙන් රාවණ රජතුමාගේ සමහර දෑ අවතක්සේරු කර දක්වා ඇතැයි සිතෙන නිසා ඒ ගැන මා හට එකඟ නොවිය හැකි තැන්ද තිබෙන අතර, ඉදිරි ලිපියකින් ඒ ගැන මාගේ අදහස් පළ කරන්නම්. ශ්‍රී රාවණ සිද්ධම්! හෙළයෙක් වීම අභිමානයකි!